गोलबजार नगरपालिकाको आवधिक योजना निर्माण प्रक्रिया शुरु

मिति २०७९ फाल्गुन १९ गते शुक्रबार पञ्च वर्षीय आवधिक योजना निर्माण कार्यको एक दिने अभिमुखीकरण कार्यशाला सम्पन्न भएको छ । यस कार्यशालासँगै गोलबजार नगरपालिकाको पञ्चवर्षीय आवधिक योजना निर्माण प्रक्रिया शुरु भएको छ ।

यस अभिमुखीकरण कार्यशालाले नगरपालिका विषयगत समिति, शाखा र वडा कार्यालयहरुको सहभागितामा योजना तर्जुमा कार्यशालाहरु सञ्चालन गर्ने, वडास्तरीय तथ्याङ्क संकलन गर्ने र आवधिक योजनाको मस्यौदा निर्माण गर्ने निर्णय गरेको छ । उक्त मस्यौदालाई अनुमोदनका लागि कार्यपालिका बैठकमा प्रस्तुत गरिनेछ ।

नगर प्रमुख श्री श्याम कुमार श्रेष्ठको अध्यक्षतामा सञ्चालित उक्त कार्यशालामा उप-प्रमुख, प्रमुख प्रशासकीय अधिकृत, वडा अध्यक्ष, कार्यपालिका सदस्य, विभिन्न राजनीतिक दलका पदाधिकारी, शाखा/उपशाखा प्रमुख कर्मचारी, पत्रकार र सरोकारवालाहरुको समेत गरी १ सय बढीको उपस्थिति रहेको थियो । 

कार्यशालामा विभिन्न राजनीतिक दलका प्रमुख एवम् प्रतिनिधि तथा पत्रकारहरुले शुभ कामना मन्तव्य तथा सुझावहरु दिनुभएको थियो ।